En virtude do establecido nos artigos 4.13º e 34.2º da Lei 1/1983, do 22 de febreiro, de normas reguladoras da Xunta e da súa Presidencia, e 26 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, presentada, o pasado nove de febreiro, renuncia expresa do titular do posto de secretario xeral da Presidencia, por proposta do vicepresidente e conselleiro de Presidencia, Administracións Públicas e Xustiza, e logo de deliberación do Consello da Xunta de Galicia, na súa reunión do día doce de febreiro de dous mil quince,

DISPOÑO:

Que cese, por pase a outro destino, Valeriano Martínez García, como secretario xeral da Presidencia, agradecéndolle os servizos prestados.

O cesamento terá efectos do día 9 de febreiro de 2015.

Santiago de Compostela, doce de febreiro de dous mil quince

Alberto Núñez Feijóo
Presidente

Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza